Temos novos libros na Biblioteca

O Equipo de Horta presentou os novos libros relacionados coa horta e medio ambiente que poden atoparse na nosa biblioteca do centro.

Temos cousas fantásticas.

Recollendo bichiños

Pois non sabedes a actividad que fixemos hoxe. Madre del amor hermoso!!! Pois nada que a profe Lourdes deúselle por ensinarnos a gran variedade de bichiños que temos na horta e que fan posible que funcione todo o ecosistema. Foi incríble!!!. O que si, non sei que tiña máis medo se os bichiños o nós?.

Era broma!!! de medo nada de nada!!!! Foi xenial!!

Facendo champús

 

Puxémonos guantes e mascarilla para seguir o mellor proceso de esterilización posible e seguindo a receta que nos deu a profe de inglés Marta Q., vertemos cada ingrediente nun cunco e mesturamos coas mans. 

Cando a textura semellaba plastilina, fixemos bolas o metémolas nos moldes que nos deu a profe e... Voilá!!!!,  Xa están listos para utilizar. (A mascarilla tamén e boa para o SCI, xa que o invento que ata que non se mestura cos aceites, pode desprender fumes que poden picar a garganta, aínda que non tóxicos.)

 

Receta: 

• 50% SCI 
• 20%  herbas e activos(romeiro, arcilla verde, avena...)
• 10% Shikakai,
• 10% auga destilada
• 10% aceite
• 4  gotiñas de aceite esencial.

Facendo xabóns de glicerina

 

Pois grazas a nosa querida e maravillosa profe Marta Q aprendemos a elaborar xabóns. Elaborámolos derretendo unha barra de glicerina e engadíndolle distintos elementos para dar propiedades nutritivas extra ás nosas mans. 

Primeiro, puxémoslle flores decorativas no fondo do molde. Despois, derretemos a glicerina nun cunco adaptado ao calor e engadimos as sustancias removendo mentres estaba líquido, por exemplo, puxémoslle arcilla vermella, arcilla verde, aceite esencial de romeiro, de arbol de té... 

Cando o xabón quedou como queríamos, vertémolo no molde e cun spray botámoslle alcohol por enriba para eliminar as burbullas que se produciron. Por último, deixámolo solidificar e retirámolo ao día seguinte.

O resultado foi uns xabóns fermosísimos.

De recolleita

 Hoxe fumos recoller o noso traballo. Mereceu a pena todo o coidado e traballo que fixemos. Imos cargadas de manxares.

Como mola a nosa horta escolar!!!!!

Temos esperanzas!!!!

Pois parece ser que as profes de AE2 xa perderan a esperanza de que brotaran os pementos da súa pequeniña horta. 

Regaron, regaron e regaron os seus pimentiños, xa pensaran que os enchouparan. E nada, seguían sen crecer. Anotaban na súa axenda de regar cada vez que lles daban auga. E nada, seguían sen crecer.

As profes non sabían que facer... inda así, non ían desistir no empeño de regar, regar e regar. E nada, seguían sen crecer.

Comezaron a pensar que algo non ía ben. Tal vez, se lle falaban un pouquiño ou se lle cantanban... E así o fixeron. Cada vez que ían regar os pimentiños, o alumnado de AE2 e a súas mestras, tarareaban cancións e palabras agarimosas. E nada, seguían sen crecer.

Voltaron das súas vacacións e non houbera ningún cambio. Pensaron en voltar a plantar novas sementes e de repente.... os pimentiños brotaron!!!!!!!

Siiiiiiiiiiiiiiiiii!!!! Temos esperanzas!!!!! Comezaron a brotar!!!!

PD: Non soamentes brotaron os seus pimentiños senon que tamén brotou e enraizouse a nosa esperanza.

Buscamos nome , axúdasnos?

Este pequeno ser inerte foi rescatado pola profe Marta T. Atópase moi enfermo e houbo que levalo a coidados intensivos, a recuperación está sendo lenta pero temos esperanzas.

De momento xa foi alcumado como Rocinante pero semella que non é un cabaliño...

Dende o Equipo de Horta facemos unha petición pública a todo o colexio, precisamos darlle un nome para poder animalo na súa recuperación.

BUSCAMOS NOME, AXÚDASNOS?

Colaboracións

 Encántanos compartir o noso traballo co amigos. O outro día escribímoslles unha carta aos nosos colegas do CEIP de Cedeira. Contámoslles todo o que fixemos para crear o noso Restaurante de Bolboretas e enviámoslles semillas para compartir e colaborar coa súa horta.

Estamos IN LOVE co CEIP de Cedeira!!!!

O Equipo de horta contraataca

Así nos están deixando as nosas verduras :( 

Estamos levando un disgusto do demo. Unhas lesmas asesinas están deixando as nosas verduriñas nos osiños. Con todo o coidadiño con que as estamos coidando. 

Mais isto non vai quedar así. O Equipo de horta non vai permitir esta ignominia. A profe Lourdes argallou un plan. Arranxou unhas tellas para agachar unha trampa para esas malvadas asesinas. 

Veredes, as lesmas, lesmias ou babosas, parece ser que lles gusta moito a cervexa, (contaban os libros de historia descatalogados xa polas reformas educativas, que ao Emperador Carlos I de España, V de Alemaña, tamén lle gustaba moito a cervexa e que era  un gran aficionado a beber litros e litros). Bueno o tema, que me vou polas ramas. Que como a estas lesmas do inferno lles gusta moito a cervexa, puxémosllles uns vasiños cheos dela agochados debaixo das tellas para que se farten a beber e acabar con elas. 

Non pode ser que todo o traballo que estamos levando na nosa horta se veña abaixo por estas malvadas asesinas. Non nos rendiremos. 

O Equipo de horta contraatacaaaaaaaaaaa!!!!!!

PD: Por outro lado, dicirvos que despois de toda a parrafada que vos contamos, no CEIP Fonte Escura, non temos nada contra os bichiños eses das babosas, de feito, ata lle temos feito un hotel e todo. Se deixan en paz as nosas verduriñas nós deixámolas en paz a elas. 

 

FAGAMOS ALGO

 Alucina vecina!!!! Isto todo foi o que apañamos na nosa saída o río Lagares. Se seguimos así a basura vainos comer.

É ASÍ COMO QUERES QUE SEXA O NOSO FUTURO???? REACCIONEMOS!!!

Abrimos portas

O restaurante de Bolboretas do CEIP Fonte Escura xa abriu as súas portas. AE1 plantou todos os menús para as bolboretas e achegados ;)

Vide e disfrutade. Son menús de calidade.

Para xantar, xa sabedes Restaurante de Bolboretas Fonte Escura!!!!!!

Woooooooow!!!!

Plantando aquí e plantando alá

Miña nai que día tiveron na horta do CEIP Fonte Escura!!, que se recolectando, recollendo e plantando.

Parece ser que o alumnado dos cursos mixtos de 1º e 2º EP e 5º e 6º de EP (estes déronno todo, e algúns cun estilazo que tiraban para atrás) estiveron plantando que se pementos, que se acelgas, que se rúcula, que se tomates, que se xudías,...

Ata sen folgos quedaron do que plantaron.

Recollendo o noso traballo

 

Entre onte e hoxe os alumnos dos cursos mixtos de 3º e 4º de EP e 5º e 6º de EP estiveron recollendo os froitos do seu traballo e... PREMIO. Levaron a casa as verduras que pasiño a pasiño plantaron e coidaron.

Toda recompensa e froito do traballo diario, da disciplina e do esforzo. 

As landras do noso carballo

Xa sabedes que temos un fermoso carballo no xardín, pois quixemos aproveitarmos a súa xenerosidade e recollemos as súas landras. Algunhas sementámolas en macetas, esperando que crezan para pasalas a terra. Outras serviron para facer diferentes obxectos decorativos como colgantes  móviles, coroas de nadal,…

A tope co noso Carballo!!!!

Plantación de sementes para restaurante de bolboretas

Os máis riquiños, bonitiños, xeitosiños e pequeniños do noso colexio estiveron plantando sementes para a xermolación de flores e tomates nun espazo da horta adicado ao Restaurante dás bolboretas, abellas e demáis insectos. 

Como vedes é un Restaurante para Bolboretas inclusivo. Infantil sempre a mil!!!!!

Recollendo lixo no río Lagares

 

Saímos ás 9:30 do noso colexio e camiñamos ata o río Lagares. Alí, atopamos lixo, recollémolo e trouxémolo ao centro para depositalo nos seus correctos colectores para así poder reciclalo. Almorzamos no merendeiro e retornamos ao centro para a hora do recreo. Sí sí o recreo non se pode perder... somos uns truáns!!!

O noso restaurante

 O que estades lendo. No colexio  temos un restaurante de bolboretas!!!! Inda o estamos arranxando que somos uns arquitectos de coidado. 

Comer e beber

No CEIP Fonte Escura encántannos os animais. Tanto é así que dende o Equipo de Horta, distribuímos o traballo por equipos e cada día unha clase encárgase de encher os comedoiros e bebedoiros que temos no cole. Pasámolo pipa xa que as veces vemos como os animaliños se achegan a comer e beber diante de nós. Isto é unha maravilla!!!!!

Bellotas, Carballiños, Carballazos

As bellotiñas que plantaron os compis de AE2 están crecendo que os leva o demo. Si, si. Mirade que grandes!!!!! Pasaron de pequenas bellotas a casi, casi carballazos.

Veña vale... inda están en carballiños. Pero xa vedes que creceron un montón. Dende logo AE2 son uns xardiñeiros de estouro!!!!.

Lo flipas con AE2!!!!!

O Bebedoiro do CEIP

 

Comezamos amodiño mais comezamos

O caso é ir fuchicando pouco a pouco, pasiño a pasiño. Xa sabedes amodiño pero sen pausa. 

Comezamoooooooooos!!!!!! 💓💖💗
 

Recollendo mandarinas

Lo flipas con AE2!!!. Pois non se lles deu por recolectar mandarinas. Estaban boas, boísimas!!!

Olla, olla, olla, sen casaco nin tixola.

O que eu che digo, ter un patio tan meganatural e súper fenomenal!!

Os paxariños saen a piar

 

Espantallos reciclados

O Equipo de horta está en todo. Resulta que as plantacións dos bancais xa están moi grandes e atraen a moitos paxaros. Tamén observaron extraños levantamentos de terra feitos polas toupeiras. (toupeiras, extraterrestes... quen sabe). Polo que chegou o momento de colocar os espantallos que fixeron o curso pasado con botellas de 2 litros, cuter e cinta illante. Colocáronos en puntos estratéxicos. 

Estes “dispositivos” caseiros parece que están dando bo resultado.

Facendo o restaurante das Bolboretas

Acabamos de preparar uns sementeiros "chulísimos" de flores para facer un “Restaurante de bolboretas”. Si, si. O que estades lendo, para ¡¡¡¡¡Bolboretas!!!!

No colexio están pendentes de facer un espazo para as bolboretas e outros insectos polinizadores. Mentres tanto, os rapaces fixeron uns sementeiros, preparados para transplantalos proximamente no “Restaurante de bolboretas”. 

Xa vos informaremos de como van estas obras. Porque a cousa promete.

Charla da Comunidade de Montes

Os maiores do cole tiveron unha charla sobre a sustentabilidade do monte, os seus coidados, beneficios e a prevención e extinción de incendios.

Sabedes que lles falou de todo iso?? Pois dous traballadores da Consellería de Medio Ambiente. Eles encárganse de controlar o estado dos nosos montes e os seus ecosistemas. Así mesmo, realizan diversas actividades de prevención  e controlan os incendios que se producen. Foi unha charla moi interesante.

Plantando chícharos a tope

 

Chegou xaneiro, e con él o tempo de sementar... Os chícharos!!!!!!

O alumnado de 5º e 6º de EP preparou unha estrutura con canas, (axudoulles o conserxe Javier con iso das canas). Tiveron que facer un traballo de medición e cálculo. Calculíns en toda regra. Todo o centro participou na plantación. Nalgunhas aulas aproveitaron para observar o proceso de desenvolvemento da semente nuns botes con algodón e despois as sementáronnos na terra.  

Flipades con ben que quedou!!!!